BJP a ticket kapherai dunphlut atum songve pen kithur dunji aphan pini arje cheklang dakpo

Aru niphai 17 arni BJP pen danglok kaprek kaprek ratchari asong atum candidate amen pangdak det aphi jasemet petke BJP asong angbong penang an chehilisai lo. BJP a ticket kapherai dunplut angbong pen penang an atumke independent pen kithur dunji aphansi chesik lo. Kachini dun atengke Langfer constituency pen Phuding Terang, Mahamaya pen Bidyasing Rongpi, Keshav Timung, Nilip pen Semson Tisso, Duarbagori pen Richard Tokbi, Singhason pen Pradip Singnar, Phuloni pen Dinesh Timung, Amri pen D Uphing Maslai, Kapili pen Dhansing Kro, Howraghat pen Kaja Terang, Rongkhang pen Sarupathar pen Kadom Terangpi, Bokajan pen Jivan Chandra Pathak lasonsi kaprek kaprek constituency along BJP pen ticket kapherai dunplut atum independent pen kithur dunji aphansi chesik ding lo. Setame penap Aru 19 arni kijutsi nomination alo kejok arni lo lasi laso ahutsi BJP pen ticket kapherai dunplut atum angbong komat masi independent pen kithur dunjima pu atum anta amohor klangdakpo.
Pinpurme BJP asong angbong ajahak atumke BJP a ticket long dunde det pulote independent pen setame thur dunvekji pu kachingkrin atumta do lasi penap ansi kadokave angthek klangdakpo. Non ephong KAAC kilik ahut independent pen kithur dunji atum bang 30 plengrok tahai athe CEM Tuliram Ronghang Bithung Rengthama constituency pen akaprek 25 constituency alongke independent candidate kedorepji angring lasi non ephong KAAC kilik ahut song atum pen pen independent pangrum pet bang 135 sose candidate aphai doj